Intra beskerm jou teen DNS-manipulasie, wat ’n tipe kuberaanval is wat gebruik word om toegang tot nuuswebwerwe, sosialemediaplatforms en boodskapapps te blokkeer.
01
Meer toeganklike internettoegang
Met Intra kan jy toegang kry tot webwerwe en apps wat deur DNS-manipulasie geblokkeer is, wat een van die mees algemene vorms van aanlyn sensorskap is.
02
Beskerming teen digitale aanvalle
Intra help om jou teen uitvissing en wanware te beskerm. Hierdie aanvalle word gebruik om jou persoonlike inligting, soos gebruikername en wagwoorde, te steel of om sagteware op jou toestel te installeer deur jou te herlei na vals webwerwe.
03
Onbeperkte beskerming met een klik
Intra is besonder gebruikervriendelik – los dit net aan en vergeet daarvan. Intra sal nie jou internetverbinding stadiger maak nie en daar is geen beperking op datagebruik nie.
04
Tegnologie wat jy kan vertrou
Intra hou jou inligting privaat. Ons spoor nie na watter apps jy gebruik of watter webwerwe jy besoek nie.
Met Intra kan jy jou DNS-bedienerverskaffer pasmaak. Jy kan jou eie bediener gebruik of kies uit gewilde verskaffers soos Cloudflare of Google.
Hoe dit werk
Intra enkripteer jou internetverbinding na ’n publieke domeinnaamstelsel (DNS) -bediener. DNS-bedieners werk soos ’n kontaktelys – wanneer jy die internet gebruik, verskaf jou DNS-bediener die presiese adresse wat jy nodig het om ’n webwerf te besoek of ’n app oop te maak.
DNS-bedieners kan egter verander word om toegang te blokkeer of jou na vals webwerwe te herlei. Deur jou aansluiting aan DNS-bedieners op jou Android-toestel te enkripteer, help Intra om te verseker dat die resultate nie gemanipuleer kan word nie, en jy veilige toegang tot die internet het.