Intra xəbər saytlarına, sosial media platformalarına və mesajlaşma tətbiqlərinə girişi bloklamaq üçün istifadə edilən kiberhücumdan - DNS manipulyasiyasından qoruyur.
01
Daha sərbəst internet girişi
Intra onlayn senzuranın ən geniş yayılmış formalarından biri olan DNS manipulyasiyası ilə bloklanmış veb-saytlara və tətbiqlərə daxil olmaq imkanı verir.
02
Rəqəmsal hücumlardan qorunma
Intra fişinq və zərərli proqramlardan qorunmağınıza kömək edir. Bu hücumlar istifadəçi adları və parollar kimi şəxsi məlumatların oğurlanması və ya sizi saxta veb-saytlara yönləndirərək cihazınızda proqram təminatının quraşdırılması üçün istifadə olunur.
03
Bir kliklə limitsiz qorunma
Intra-nın istifadəsi çox asandır. Tətbiqin işləməsi üçün onu açmaq kifayətdir. Intra internet bağlantısını zəiflətmir və data istifadəsi üçün limit yoxdur.
04
Etibarlı texnologiya
Intra məlumatlarınızın məxfiliyini qoruyur. İstifadə etdiyiniz tətbiqlər və ya daxil olduğunuz veb-saytlar izlənmir.
Intra DNS serveri provayderinizi fərdiləşdirməyə imkan verir. Öz serverinizdən istifadə edə, yaxud Cloudflare və ya Google kimi məşhur provayderlərdən birini seçə bilərsiniz.
İşləmə qaydası
Intra internet bağlantınızı ictimai Domen Adları Sistemi (DNS) serverinə şifrələyir. DNS serverləri kontakt siyahısı kimi işləyir. Belə ki, internetdən istifadə etdiyiniz zaman DNS serveriniz veb-sayta daxil olmaq və ya tətbiq açmaq üçün lazım olan dəqiq ünvanları təqdim edir.
Bununla belə, DNS serverləri girişi bloklamaq və ya sizi saxta veb-saytlara yönləndirmək üçün dəyişdirilə bilər. Intra Android cihazınızda bağlantınızı DNS serverlərinə şifrələməklə nəticələrin manipulyasiya edilməsinin qarşısını almağa kömək edir və internetə təhlükəsiz şəkildə daxil olmağınızı təmin edir.