Intra таныг мэдээний сайт, сошиал медиа платформ, мессеж аппад хандах хандалтыг блоклоход ашигладаг кибер халдлага болох DNS гуйвуулалтаас хамгаалдаг.
01
Илүү нээлттэй интернэт хандалт
Intra нь онлайн цензурийн хамгийн түгээмэл хэлбэрүүдийн нэг болох DNS гуйвуулалтын улмаас блоклогдсон вебсайт, аппуудад хандахыг танд зөвшөөрдөг.
02
Дижитал халдлагаас хамгаалах
Intra таныг фишинг болон хортой программаас хамгаалахад тусалдаг. Хуурамч вебсайт руу таныг дахин чиглүүлж, улмаар таны төхөөрөмж дээрх хэрэглэгчийн нэр, нууц үг зэрэг хувийн мэдээллийг хулгайлах эсвэл программ хангамж суулгахад эдгээр халдлагыг ашигладаг.
03
Нэг товшилтоор хязгааргүй хамгаалалт
Intra-г ашиглахад үүнээс илүү хялбар байх боломжгүй — зүгээр л асаалттай орхиод мартчих. Intra нь таны интернэт холболтыг удаашруулахгүй бөгөөд дата ашиглалтыг хязгаарладаггүй.
04
Таны итгэж болох технологи
Intra таны хувийн мэдээллийг нууцалдаг. Бид таны ашигладаг апп, зочилдог вебсайтыг хянадаггүй.
Intra таныг DNS серверийн үйлчилгээ үзүүлэгчээ өөрчлөхийг зөвшөөрдөг. Та өөрийн серверийг ашиглах эсвэл Cloudflare, Google зэрэг алдартай үйлчилгээ үзүүлэгчдээс сонгох боломжтой.
Энэ хэрхэн ажилладаг вэ
Intra таны интернэт холболтыг нийтийн Домэйн нэрийн системийн (DNS) сервер лүү шифрлэдэг. DNS серверүүд нь харилцагчийн жагсаалтын нэгэн адил ажилладаг — таныг интернэт ашиглах үед таны DNS сервер вебсайтаар зочлох эсвэл апп нээхэд шаардагдах яг тэр хаягуудыг өгдөг гэсэн үг.
Гэхдээ DNS серверүүдийг өөрчлөх замаар хандалтыг блоклох эсвэл хуурамч вебсайтууд руу таныг дахин чиглүүлэх боломжтой. Таны Android төхөөрөмж дээрх холболтыг тань DNS серверт шифрлэснээр Intra нь илэрцүүдийг гуйвуулахгүй байх нөхцөлийг хангахад тусалдаг бөгөөд ингэснээр та интернэтэд аюулгүй хандах боломжтой.